Teiti í tunglturninum

Aldrei betra en að rjúfa langa bloggþögn en þegar maður er einmitt staddur í útlöndum.

Ég er semsagt ásamt fríðu föruneyti á leið minni til Buenos Aires að taka þátt í Wipeout. Ekki er ferðalagið af stutta taginu og stóð til að taka þrjú flug hjá þremur mismunandi flugfélögum til að komast á leiðarenda.

Ég var mættur upp á völl í gærmorgun á slaginu 5:00 og tilbúinn í fyrsta legg ferðarinnar með Iceland Express. Fyrsta flugið var til London og þar þurftum við að dúsa á flugvellinum í 6-7 klukkutíma áður en við tókum næsta flug með easyJet til Madridarborgar. London var reyndar fínn tími, gaf fólki tíma til að setjast niður, fá sér mjöð og kynnast aðeins.

Þegar til Madridar var komið fengum við að vita að lengsta flugið á ferðalaginu var yfirbókað og ekki leið að komast á leiðarenda nema degi síðar. Ekki voru þetta beint fréttirnar sem fólkið vildi heyra eftir jafn langt ferðalag en okkur var lofað fínu hóteli í boði flugfélagsins og góða slummu af Evrum í sárabætur. Við héldum því rakleiðis á þetta ágæta hótel rétt hjá flugvellinum og tjékkuðum okkur inn. Þetta ku vera stærsta hótel í Evrópu (sel það ekki dýrara …) og fengu allir sitt eigið herbergi til að slaka aðeins á.

Nú er hópurinn búinn að taka morgunmatinn eftir góðan nætursvefn og stefnt er að því að tjékka aðeins á downtown Madrid áður en við höldum AFTUR af stað í síðasta legg ferðarinnar.

Ég kem með fleiri fréttir þegar þær berast.

Johnny Wipeout

Ég hef lengi ætlað að post-a þessu á bloggið mitt …

Til að gera langa sögu stutta þá vorum við Erla lengi vel í vandræðum með að koma stráknum okkar (5 ára) í fötin á morgnanna. Hann vildi bara alls ekki fara í fötin og það tók oft langan, langan tíma að koma honum út úr húsi og við vorum að koma ansi oft of seint í vinnuna vegna þessa …

Eftir að hafa ráðfært okkur aðeins ákváðum við að útbúa svona hvatningardagatal fyrir snáða. Það virkar þannig að hann hefur 10 mínútur til að fara í fötin og ef hann nær því á þeim tíma þá fær hann einn límmiða. Límmiðann setur hann svo á dagatalið sem er með 8 reitum. Þegar hann hefur sett síðasta límmiðann á blaðið fær hann “glaðning” (mikilvægt að kalla það glaðning en ekki pakka, gjöf eða annað slíkt). Glaðningur getur verið td. Herramenn bók, nýjir sokkar, vatnsbyssa eða eitthvað sem getur glatt hans litla hjarta. Mikilvægt er að halda sig alltaf við sama tímann (10 mín) og aldrei breyta honum. Einnig er mikilvægt að foreldrið ráði hvenær tíminn fer af stað en ekki barnið. Ef tíminn rennur út og barnið er ekki komið í fötin þá er enginn límmiði, svo einfalt er það.

Við notumst við tvö hvatningardagatöl, eitt á morgnanna fyrir að fara í fötin og eitt á kvöldin fyrir að fara í náttfötin. Þetta hefur létt alveg ótrúlega á okkur hjónum og auðvitað á litla snáðanum líka, sem fær reglulega glaðning.

Ég ráðlegg fólki að vera ekki með fleiri en 2 dagatöl í gangi hverju sinni. Allavega fór kerfið í algjört rugl þegar við ætluðum að bæta við þriðja dagatalinu og þá vildi hann allt í einu ekki fá neinn límmiða (sennilega of mikil pressa að standa sig :)).

Vonandi nýtist þetta einhverjum sem les þetta. Það er nóg að sækja þessi skjöl og prenta út úr prentaranum heima. Límmiða er hægt að kaupa ódýrt í Bónus og svo er hægt að blanda saman flottari límmiðum úr Pennanum/Eymundsson.

Gangi ykkur vel!

Á morgnanna
Á kvöldin
Morgunmaturinn

Ég gat bara ekki látið vera að setja inn mynd af gengi gjaldmiðla í dag. Þetta er auðvitað komið út fyrir öll velsæmismörk. Bandaríkjadalurinn! Sterlingspundið!!! Er þessi ríkisstjórn alveg að skíta upp á bak eða hvað? Í burtu með þessi gjaldeyrishöft, það getur vart orðið mikið verra en ástandið í dag …

Gengi gjaldmiðla 18. júní 2009

Í þrjá mánuði núna hef ég haft verslanir 10-11 í persónulegu viðskiptabanni. Ég hvet alla til að gera slíkt hið sama, þvílíkt er okrið hjá þessari verslunarkeðju.

Ég starfa niðri í miðbæ og var það mjög hentugt að hoppa yfir í 10-11 í Austurstræti og versla eina skyrdollu. Þegar ég hinsvegar fór að gera smá verðsamanburð þá var mér svo brugðið að ég hef ekki ennþá stigið fæti þar inn.

Bónus opnaði þessa fínu verslun á Hallveigarstíg í vetur og mun ég beina viðskiptum mínum þangað í framtíðinni jafnvel þótt það taki mig auka 5 mínútur að labba þangað, tala nú ekki um þegar ástandið er eins og það er í dag.

Hér er smá verðkönnun (á hlutum sem ég versla nokkuð reglulega) sem ég gerði fyrir 2 vikum síðan og má glögglega sjá verðmismuninn í þessum tveim verslunum (auðvitað ekki hægt að bera saman lággjalda verslun og verslun eins og 10-11 en þegar mismunurinn er orðinn svona mikill þá spyr maður sig …).

Verðsamanburður á Bónus og 10-11

Þá eru kosningarnar að baki. Sjálfstæðisflokkurinn féll niður í aðra deild eftir að hafa verið á toppi íslensku stjórnmáladeildarinnar í marga áratugi. Það er mín skoðun að öll félagslið (eða stjórnmálaflokkar í þessu tilfelli) hafi gott að falla niður um deild. Þau fá tilfinningu fyrir raunveruleikanum og tíma til að fara í smá naflaskoðun.

Ég er ekkert sérstaklega stolltur af því en ég merkti við D. Ekki afþví að Sjálfstæðisflokkurinn höfði lang mest til mín heldur afþví að ekkert af hinum flokkunum gera það.

Ef ég hefði kosið Samfylkinguna þá hefði ég þurft allan daginn í kjörklefanum til að strika yfir öll nöfnin sem ég vill ekki sjá í Íslenskum stjórnmálum, Steinunni Valdís (bankahrunið), Árna Pál (sem kallaði alla fífl) og Helga Hjörvar (þarfnast ekki skýringa). Listinn heldur áfram …

Með því að kjósa Sjálfstæðisflokkinn fannst mér ég taka illskársta kostinn, ég ætlaði amk. ekki að skila auðu!

Vinstri græna kýs ég aldrei enda höfða þessu sósíalisku lífsviðhorf ekki til mín. Svo er líka svo mikil synd að hafa Steingrím Joð ekki í stjórnarandstöðu því það er einfaldlega það besta sem hann gerir, að tuða yfir ríkisstjórninni.

Borgarahreyfingin hefði ég kannski kosið ef þeir hefðu ekki verið svona “allt út um allt” hreyfing. Ég meina fínt að fá alþýðuna inn á þing en þetta er fokkin vinna. Svona í alvöru, er einhver sem getur virkilega séð fyrir sér Þráinn Bertelsson fyrir sér í pontu að tala um álagningu á innfluttar kjötvörur? Halló, maðurinn leikstýrði Dalalíf og hefði átt að hætta þar, á toppnum …

Fráslyndir fengu það sem þeir áttu skilið, útrýmingu fyrir að vera flokkur með eitt baráttumál. Held að sjómenn hafi meira að segja ekki haft fyrir því að kjósa sinn eigin flokk, tja eða voru bara allir á kajanum?

Ástþór var auðvitað bara þarna til að gera grín að öllu saman og gaman að fá smá kjánahroll í hvert skipti sem hann fékk að hafa myndavélarnar á sér. Þetta video setti ég inn á youtube að gamni … að þessi maður skuli fá að koma í sjónvarp allra landsmanna er auðvitað stærsti brandari ársins.

Ég ætla heldur ekki að standa í að verja Sjálfstæðisflokkinn, þetta er minn flokkur og já, hann gerði í brækurnar. Það er þó mín skoðun að bankahrunið megi ekki skrifa á einn stjórnmálaflokk (þótt allir séu að reyna það). Sjálfstæðisflokkurinn fékk það tækifæri að semja frjálshyggju reglurnar í upphafi og hafa þær sennilega ekki verið nægilega nákvæmar því menn misnotuðu þær hægri vinstri og áður en yfir var staðið voru allir komnir með puttana í góðærið, bankamenn, fjárfestar, fasteignasalar, bílasalar og auðvitað þjóðin sjálf sem eyddi og eyddi eins og það væri engin morgundagur.

Annars hlakkar mig mikið til að sjá hvernig hið pólitíska landslag á eftir að þróast á næstunni. Þetta eru erfðir tímar og verður spennandi að sjá hvort SamGrænir nái að forða þjóðarskútunni frá öðru strandi.

Það er gaman að renna yfir Blogg Gáttina í dag og sjá hversu margir þurfa að tjá sig um Davíð í Kastljósinu í gær. Ef rennt er snögglega niður listann eru komnar 14 færslur í dag sem innihalda nafnið Davíð og í gær voru það 15 færslur (ég tel einungis þær færslur sem innihalda nafn Davíðs en ekki allar hinar færslurnar sem byrja á “Hræsnarinn í Seðlabankanum” eða “Litli seðlabankamaðurinn”).

Hvað er það við Davíð sem kveikir svona í fólki?

Þá er búið að gera tilnefningarnar kunnar og eru eftirfarandi vefir í úrslitum. Ég verð að segja að ég varð fyrir smá vonbrigðum að sjá aðeins einn vef frá mér á listanum ( Flugmálastjórn Íslands). En ætli maður verðir ekki að krossleggja fingur og vona það besta, enda ekkert smá vefir sem maður er að etja kappi við

Besti sölu- og þjónustuvefurinn
• Borgarleikhús ( www.borgarleikhus.is)
• Flugfélag Íslands ( www.flugfelag.is)
• Icelandair.is ( www.icelandair.is)
• Miði.is ( www.midi.is)
• Síminn ( www.siminn.is)

Besti fyrirtækjavefurinn
• Bláa lónið ( www.bluelagoon.com)
• Ísafold Travel ( www.isafoldtravel.is)
• Marel ( www.marel.com)
• Pósturinn ( www.postur.is)
• Síminn ( www.siminn.is)

Besti vefur í almannaþjónustu
• Akraneskaupstaður ( www.akranes.is)
• Fasteignaskrá Íslands ( www.fasteignaskra.is)
• Ísland.is ( www.island.is)
• Pósturinn ( www.postur.is)
• Veðurstofa Íslands ( www.vedur.is)

Besti afþreyingarvefurinn
• Kvikmyndir.is ( www.kvikmyndir.is)
• Iceland Socks ( www.myicelandsocks.is)
• Skjárinn ( www.skjarinn.is)
• Tónlist.is ( www.tonlist.is)
• Vísir ( www.visir.is)

Besta útlit og viðmót
• Flugmálastjórn Íslands ( www.caa.is)
• Icelandair ( www.icelandair.is)
• Ísafold Travel ( www.isafoldtravel.is)
• Pósturinn ( www.postur.is)
• Síminn ( www.siminn.is)

Besti einstaklingsvefurinn
• 24×24 ( www.24×24.is)
• Brjóstakrabbamein ( www.brjostakrabbamein.is)
• Cafe Sigrún ( www.cafesigrun.com)
• Hjartalíf ( www.hjartalif.is)
• Indefence ( www.indefence.is)

Þetta er svakalegt. Stemminging var góð og merkilega mikið af fólki mætt miðað við hádegi á þriðjudagi. Hér eru tvær myndir. Það sem mér þótti merkilegt var að það var stór hópur fólks kominn saman í bakgarðinum, að banka á bakdyrnar á Alþingishúsinu …

… en að vefur Iceland Express liggur á hliðinni 6 mínútum eftir að þeir auglýsa Ofurtilboð til Evrópu! Ég sem hélt að allir væru að spara